លោក Pep Guardiola ត្រូវបានរាយការណ៍ថា មានគម្រោងចាកចេញពី Manchester City នៅពេលដែលកិច្ចសន្យារបស់លោកជាមួយក្លិបអង់គ្លេសមួយនេះ ផុតសុពលភាពនៅឆ្នាំ២០២៥។
យោងតាមប្រភពពីសារព័ត៌មាន The Guardian បានរាយការណ៍ថា គ្រូបង្វឹកជនជាតិអេស្ប៉ាញរូបនេះ នឹងបញ្ចប់ការងាររបស់លោកនៅ Etihad ពេលដែលដឹកនាំពួកគេ២រដូវកាលចុងក្រោយនៃកុងត្រាដែលនៅសល់។
លោក Pep បានចូលកាន់តួនាទីជាអ្នកចាត់ការក្លិបមេឃខៀវចាប់តាំងពីឆ្នាំ២០១៦ ហើយលោកទើបតែដឹកនាំពួកគេឈ្នះ Treble កាលពីថ្មីនេះ បន្ទាប់ពីទទួលបានជ័យជម្នះលើ Inter Milan ក្នុងវគ្គផ្ដាច់ព្រ័ត្រ Champions League។
លោកបានចុះហត្ថលេខា បន្ដកុងត្រាថ្មីជាមួយ Man City កាលពីខែវិច្ឆិកា ឆ្នាំ២០២២ ប៉ុន្ដែលោកទំនងជាមិនបន្ដកិច្ចសន្យាថ្មីតទៅទៀតឡើយ៕ព័ត៌មានកីឡាបាល់ទាត់ថ្មីៗ
