កីឡាករ Roberto Firmino នឹងចាកចេញពីក្លឹបក្រោយបញ្ចប់រដូវកាលនេះ ក្នុងនាមជាកីឡាករដែលឥតតម្លៃខ្លួន ។ ក្រោយពេល Sadio Mane បានចាកចេញ នេះគឺជាវេនរបស់ Firmino ហើយរជ្ជកាលមាសនៃខ្សែរប្រយុទ្ធដ៏មុតស្រួចរបស់ Liverpool នៅសល់តែ Mohamed Salah ម្នាក់គត់ ។ ថ្លែងទៅកាន់អ្នកសារព័ត៌មានកីឡាករ Mohamed Salah បាននិយាយទាំងអួលដើមកថា
“ខ្ញុំមានរឿងជាច្រើនចង់និយាយ យើងបាននៅជាមួយគ្នាអស់រយៈពេលប្រាំមួយឆ្នាំមកហើយ ពួកយើងបានចែករំលែកពេលវេលាល្អៗជាច្រើនទាំងក្នុងនិងក្រៅទីលាន ទាំងនៅក្នុងបន្ទប់ផ្លាស់សម្លៀកបំពាក់ក៏គាត់អង្គុយនៅក្បែរខ្ញុំដែរ ដូច្នេះហើយពួកយើងតែងតែនិយាយគ្នាលេងនៅគ្រប់ការប្រកួត វាពិតជារំជួលចិត្តណាស់ក្នុងការនិយាយលាគ្នាទៅកាន់គាត់ អ្វីដែលខ្ញុំចង់បាន គឺសូមអោយគាត់ និងគ្រួសាររបស់គាត់មានសុភមង្គល” ។
គួររំលឹកផងដែរថា Roberto Firmino បានបង្ហាញខ្លួនជាង 360 ប្រកួតសម្រាប់ក្រុមហង្សក្រហម Liverpool និងស៊ុតបញ្ចូលទីបាន 110 គ្រាប់ផងដែរ ដោយធ្លាប់ជួយអោយក្រុមឈ្នះពានរង្វាន់មួយចំនួនដូចជា Premier League, Champions League, UEFA Super Cup, FIFA Club World Cup, FA Cup និង Carabao Cup ។ ខ្សែរប្រយុទ្ធសញ្ជាតិប្រស៊ីលរូបនេះត្រូវបានគេផ្សារភ្ជាប់យ៉ាងខ្លាំងជាមួយនឹងការផ្ទរទៅកាន់ក្រុម AC Milan របស់ក្របខ័ណ្ឌអ៊ីតាលី ។ព័ត៌មានកីឡាបាល់ទាត់ថ្មីៗ
