ម្ចាស់ជើងឯក Premier League ប្រាំពីរសម័យបានដឹងជាយូរមកហើយថាពួកគេប្រហែលជាត្រូវបាត់បង់ខ្សែបម្រើឆ្នើម Ilkay Gundogan នៅរដូវក្តៅនេះ ។ កិច្ចសន្យារបស់ប្រធានក្រុម Gundogan បានឈានមកដល់ទីបញ្ចប់ហើយបន្ទាប់ពីបានដើរតួយ៉ាងសំខាន់ដោយបានជួយអោយក្រុម Manchester City ឈ្នះពានបីក្នុងមួយរដូវកាល ហើយគាត់បានសម្រេចចិត្តចូលរួមជាមួយ Barcelona ក្នុងនាមជាកីឡាករដែលគ្មានតម្លៃខ្លួន ។
ស្របពេលដែល Bernardo Silva ក៏បានប្រាប់ទៅកាន់ City ថាគាត់ចង់ចាកចេញ ចំពេលមានការចាប់អារម្មណ៍ពី Barcelona និង Paris Saint-Germain ។ លើសពីនោះ Kalvin Philips ក៏កំពុងតែផ្សារភ្ជាប់យ៉ាងខ្លាំងក្នុងការទៅចូលរួមជាមួយ West Ham ផងដែរ ។ យើងងាកមកនិយាយពីក្រុមកាំភ្លើងធំ Arsenal វិញកំពុងតែមានភាគរយខ្ពស់ក្នុងការនាំយក Declan Rice មកចូលរួមក្រុមស្របពេលដែលកីឡររូបនេះក៏ពេញចិត្តអាកាសធាតុនៅទីក្រុមឡុងដ៍ផងដែរ ។
ប៉ុន្តែ Arsenal មិនអាចបំពេញលើថ្លៃផ្ទេរបានទេ ដោយក្រុមញញួរ West Ham បានទាមទារយ៉ាងហោចណាស់ក៏ 100 លានផោនដែរទើបយល់ព្រម ។ ផ្ទុយទៅវិញវាគឺជាដំណឹងល្អមួយសម្រាប់ Manchester City ក្នុងការនាំយក Declan Rice ដើម្បីយកទៅបំពេញតំបន់បម្រើដែលកំពុងខ្វះខាត ។ បើតាមប្រភពពីវែបសាយ 90នាទីបានអោយដឹងថា Man City កំពុងតែធ្វើការយ៉ាងជិតស្និតជាមួយ West Ham ដើម្បីនាំយក Declan Rice មកកាន់ទឹកដី Etihad រីឯចំពោះតម្លៃវិញគឺគ្មានបញ្ហានោះទេ ។ព័ត៌មានកីឡាបាល់ទាត់ថ្មីៗ
