ក្រុម Manchester City ថ្មីៗនេះ ត្រូវបានគេរាយការណ៍មកថា មានឆន្ទ:ក្នុងលក់ខ្សែការពារ Joao Cancelo ក្នុងតម្លៃ ៤០លានអឺរ៉ូ (៣៥លានផោន) ពេលទីផ្សារដោះដូរបើកឡើងវិញ នារដូវក្តៅខាងមុខនេះ ។
ជាក់ស្តែង កីឡាករវ័យ ២៩ ឆ្នាំរូបនេះ បានសម្រេចចិត្តចូលរួមជាមួយក្រុម Bayern Munich ក្នុងលក្ខខណ្ឌខ្ចីជើងពីក្រុម City កាលពីខែមករាហើយបានបង្ហាញខ្ខលួន ២១ ប្រកួតរួចមកហើយ សម្រាប់ក្រុមជើងឯក Bundesliga ។
គួរឱ្យដឹងថា ក្រុម Bayern មានជម្រើស ក្នុងការទិញយក Cancelo ផ្តាច់ នៅទីផ្សារខាងមុខ ស្របពេលកីឡាករអន្តរជាតិព័រទុយហ្គាល់រូបនេះ មិនត្រូវបានគេគិតថានឹងស្ថិតនៅក្នុងផែនការរបស់លោក Pep Guardiola សម្រាប់រដូវកាលក្រោយ ផងដែរ ។
បច្ចុប្បន្នក្លឹប Barcelona ក៏កំពុងត្រូវបានទាក់ទងជាមួយ Cancelo ផងដែរ ខណៈពេលដែលក្លិបជើងឯក La Liga មួយនេះ កំពុងតែស្វែងរកការនាំយកខ្សែការពារស្តាំថ្មីម្នា ក់ក្នុងអំឡុងពេលទីផ្សារដោះដូរកីឡាកររដូវក្តៅនេះ។
មិនតែប៉ុណ្ណោះ បើយោងតាម SPORT បានឱ្យដឹងថា Man City នឹងយល់ព្រមទទួលយកសំណើ ៤០ លានអឺរ៉ូ (៣៥លានផោន) សម្រាប់ខ្សែការពាររូបនេះ នៅរដូវក្តៅខាងមុខ ហើយតម្លៃដែលបានស្នើសុំនេះ ក៏ត្រូវបានប្រាប់ទៅកាន់ក្លិបនៅ La Liga រួចហើយផងដែរ ៕ព័ត៌មានកីឡាបាល់ទាត់ថ្មីៗ
