Romelu Lukaku គឺជាមនុស្សចុងក្រោយដែលបានជួបជាមួយអ្នកតំណាងអារ៉ាប៊ីសាអូឌីត ដើម្បីមកលេងនៅតំបន់មជ្ឈិមបូព៌ា នេះបើយោងតាម ‘Daily Mail’ ។ Al-Hilal មានឆន្ទៈផ្តល់ឱ្យគាត់នូវកិច្ចសន្យារយៈពេល ២ ឆ្នាំជាមួយនឹងប្រាក់ខែច្រើនគួរសម។
កាសែត ‘Daily Mail’ បានចេញផ្សាយកាលពីថ្ងៃអង្គារថា Romelu Lukaku របស់ Chelsea គឺជាតារាចុងក្រោយបង្អស់ ដែលទទួលបានការផ្តល់ជូនពីសំណាក់ក្លិបនៅអារ៉ាប៊ីសាអូឌីត។ កីឡាករសញ្ជាតិបែលហ្ស៊ិករូបនេះ បានចំណាយពេលមួយរដូវកាលក្នុងលក្ខខណ្ឌខ្ចីជើងជាមួយក្លឹប Inter Milan មួយឆ្នាំបន្ទាប់ពីគាត់ត្រូវបាន Chelsea ទិញយកមកវិញ ក្នុងតម្លៃដ៏គួរឱ្យភ្ញាក់ផ្អើល ៩៨លានផោន។
Lukaku ធ្វើមិនបានល្អទាល់តែសោះជាមួយក្រុមតោខៀវ ដែលបានបញ្ជូនគាត់ឱ្យទៅលេងក្នុងលក្ខខណ្ឌខ្ចីនៅប្រទេសអ៊ីតាលីវិញ ហើយឥឡូវនេះពេលវេលារបស់គាត់បានមកដល់ទីបញ្ចប់ហើយ។ ខ្សែប្រយុទ្ធរូបនេះ ហាក់ដូចជាគាត់កំពុងពិចារណាជម្រើសផ្សេងទៀត ជាជាងត្រលប់ទៅកាន់ទីក្រុងឡុងដ៍វិញ ក្រោយទៅលេងនៅ Chelsea ទាំងពីរលើកមិនជោគជ័យទាំងពីរដង។
របាយការណ៍របស់ការសែត ‘GOAL’ បានលើកឡើងថា Chelsea នឹងយល់ព្រមឱ្យតារារូបនេះចាកចេគក្នុងតម្លៃ ៤៣ លានផោន តិចជាងពាក់កណ្តាលនៃអ្វីដែលពួកគេបានទិញ Lukaku ពី Inter Milan ប៉ុន្តែក្លិប Al-Hilal មិនមានឆន្ទៈធំក្នុងការបំពេញតម្រូវការរបស់ Lukaku នោះទេ ហើយរបាយការណ៍មួយចំនួនបានឱ្យដឹងថា Al-Hilal នឹងចរចាជាមួយប្រធានក្លិបលោក Todd Boehy ដើម្បីព្យាយាមបញ្ចុះថ្លៃផ្ទេរមកថោកជាងនេះ។
បើតាមប្រភពបានឱ្យដឹងថា Lukaku នឹងត្រូវបានផ្តល់ជូន ៤២ លានផោនក្នុងកិច្ចសន្យារយៈពេល ២ ឆ្នាំជាមួយ Al-Hilal ដែលអាចទាក់ទាញខ្សែប្រយុទ្ធរូបនេះបាន។ បើទោះបីជាថ្មីៗនេះត្រូវបានគេរាយការណ៍ថា Lukaku អាចត្រូវបានរួមបញ្ចូលនៅក្នុងកិច្ចព្រមព្រៀងផ្លាស់ប្តូររបស់ Chelsea ជាមួយ Inter Milan ដើម្បីនាំយកអ្នកចាំទី Onana ទៅកាន់ក្លិបពួកគេវិញ។ ស្របពេលកិច្ចសន្យារបស់ Lukaku នៅទីក្រុងឡុងដ៍មានសុពលភាពរហូតដល់ឆ្នាំ២០២៦ ឯណោះ៕ព័ត៌មានកីឡាបាល់ទាត់ថ្មីៗ
