ក្របខ័ណ្ឌលីគកំពូលរបស់អេស្ប៉ាញ Laliga បានយល់ព្រមក្នុងការឧបត្ថម្ភជាមួយក្លឹបបាល់ទាត់ដែលមានឈ្មោះវែងជាងគេនៅលើពិភពលោក Llanfairpwll FC ដែលលេងនៅលីគទី 05 នៃប្រទេសវេលក្នុងកិច្ចសន្យារយៈពេលមួយឆ្នាំ។ព័ត៌មានកីឡាបាល់ទាត់ថ្មីៗ
គួរឲ្យដឹងផងដែរថា ក្លឹបបាល់ទាត់មួយនេះត្រូវបានគេចាត់ទុកថាជាក្លឹបដែលមានឈ្មោះវែងជាងគេបំផុតនៅលើពិភពលោក Club Pel Droed Llanfairpwllgwyngyllgogerychwyrndrobwllllantysiliogogogoch Football Club បងប្អូនអានខ្លួនឯងទៅ ប៉ុន្តែអេដមីនសូមហៅពាក្យកាត់ក្លឹបមួយនេះថា Llanfairpwll FC ។ ព័ត៌មានមួយនេះបានធ្វើឲ្យអ្នកគាំទ្រជាច្រើនអស់សំណើចនិងមានការហួសចិត្តជាខ្លាំង អ្នកខ្លះឆ្ងល់ថា Laliga និងខ្វះក្លឹបឧបត្ថម្ភឫបានជាទៅឧបត្ថម្ភក្លឹបដែលមានឈ្មោះវែងនិងពិបាកអានមួយនេះ។ អ្នកខ្លះឆ្ងល់ថាមិចបានជាក្លឹបមួយនេះឈ្មោះវែងអីក៏វែងយ៉ាងនេះ ហើយអ្នកណាជាអ្នកដាក់ឈ្មោះនេះឲ្យ ហើយឈ្មោះនេះមានន័យដូចម្តេចទៅ ?
គួរឲ្យដឹងផងដែរថា ក្លឹប Llanfairpwll FC គឺជាក្លឹបមួយដែលស្ថិតនៅក្នុងប្រទេសវែល និងកំពុងតែលេងនៅលីគទី 05 North Wales Coast West Division One សម្រាប់រដូវកាលឆ្នាំ 2023-2024 ។ បច្ចុប្បន្ននេះពួកគេឈរនៅបាតតារាង ក្រោយលេងបើកឆាករដូវកាលថ្មីបាន 03 ប្រកួត ឈ្នះ 01 និងចាញ់ 02 ប៉ុន្តែកាលពីរដូវកាលមុនពួកគេធ្វើបានល្អ ក្រោយបញ្ចប់លីគពួកគេទទួលបានចំណាត់ថ្នាក់លេខ 04 ៕
