តារាឆ្នើមរបស់ក្លឹប Paris Saint-Germain កីឡាករ Kylian Mbappe បាននិយាយនៅក្នុងសន្និសីទសារព័ត៌មានមុនការប្រកួតអន្តរជាតិរបស់បារាំងជាមួយនឹងក្រុម Gibraltar ក្នុងវគ្គជម្រុះ Euro។ កីឡាករវ័យ 24 ឆ្នាំបាននិយាយថា Messi បានឈ្នះ Ballon d’Or សម្រាប់ការឈ្នះ World Cup ជាមួយអាហ្សង់ទីន ហើយថាគាត់គិតថាវាយុត្តិធម៌។
ក្រុមជម្រើសជាតិបារាំងដែលបាន ចូលលេង Euro 2024 នឹងត្រូវប៉ះ Gibraltar នៅថ្ងៃសៅរ៍។ ប្រធានក្រុមជម្រើសជាតិបារាំង Kylian Mbappe បាននិយាយទៅកាន់អ្នកសារព័ត៌មានក្នុងសន្និសីទកាសែតមួយមុនការប្រកួតអន្តរជាតិនៅថ្ងៃសៅរ៍។
តារាសញ្ជាតិបារាំងរូបនេះបាននិយាយអំពី Lionel Messi ឈ្នះ Ballon d’Or ហើយបាននិយាយថាគាត់ជឿថាកីឡាករអាហ្សង់ទីន សមនឹងទទួលបានវា សម្រាប់ការឈ្នះ World Cup ជាមួយអាហ្សង់ទីន។
គាត់បានប្រាប់អ្នកយកព័ត៌មាន ថា “ខ្ញុំមិនមែនជាអ្នកដែលខ្លាចក្នុងការនិយាយចេញមកនោះទេ។ Messi សមនឹងទទួលបានវា។ យប់នៃការប្រកួត World Cup វគ្គផ្តាច់ព្រ័ត្រ ខ្ញុំដឹងរួចហើយថាគាត់បានឈ្នះ Ballon d’Or ” ។
កីឡាករវ័យ 24 ឆ្នាំរូបនេះក៏ត្រូវបាន សួរអំពីអនាគតរបស់គាត់នៅ Paris Saint-Germain ប៉ុន្តែបដិសេធមិននិយាយអំពីវាថា៖ ” នេះមិនមែនជាព័ត៌មានពីក្រុមជម្រើសជាតិបារាំងទេ ។ ប្រសិនបើអ្នកមានសំណួរនេះ អ្នកត្រូវតែមកកន្លែងហ្វឹកហាត់របស់ PSG ។ ហើយខ្ញុំនឹងឆ្លើយវា។
លោកបានបន្ថែមថា ” ក្រុមជម្រើសជាតិជាដំបូង និងសំខាន់បំផុត ។ នៅពេលដែលខ្ញុំនៅលើទីលាន ខ្ញុំមិនចូលរួមក្នុងរឿងនៅខាងក្រៅនោះទេ។អានពត៌មានប្រចាំថ្ងៃ
