ខ្សែប្រយុទ្ធ Roberto Firmino ថ្មីៗនេះ ត្រូវបានគេរាយការណ៍មកថា កំពុងស្ថិតនៅក្នុងការពិភាក្សា ដើម្បីចុះហត្ថលេខាផ្ទេរទៅចូលរួមជាមួយក្លិប Al Ahli របស់អារ៉ាប៊ីសាអូឌីត បន្ទាប់ពីសម្រេចចិត្តចាកចេញពីក្លិប Liverpool ។
ជាការពិតណាស់ បន្ទាប់ពីចាយពេលអស់ ៨ ឆ្នាំ និងមានអាជីពដ៏ជោគជ័យជាមួយក្លិប Firmino បានធ្វើការបញ្ជាក់ជាផ្លូវការហើយថា គេនឹងចាកចេញពីក្លិប Liverpool នៅពេលដែលកុងត្រារបស់ខ្លួន ត្រូវបញ្ចប់ នៅចុងខែនេះ ។
ហើយឥឡូវនេះ បើតាមអ្នកជំនាញផ្នែកទីផ្សារដោះដូរ លោក Fabrizio Romano បានអះអាងថា Firmino កំពុងក្លាយជាកីឡាករចុងក្រោយមួយ ដែលកំពុងភ្ជាប់ទំនាក់ទំនងយ៉ាងខ្លាំង ជាមួយនឹងការផ្ទេរទៅកាន់លីគកំពូលរបស់អារ៉ាប់ ។
មិនតែប៉ុណ្ណោះ Romano បានបញ្ជាក់ទៀតថាក្លិប Al Ahli កំពុងស្ថិតនៅក្នុងការពិភាក្សាជាមួយខ្សែប្រយុទ្ធសញ្ជាតិប្រេស៊ីលហើយ ខណ:លោកថែមទាំងបានបង្ហោះនៅលើគណនី Twitter របស់ខ្លួនទៀតថា ៖ ” ពេលនេះ Al Ahli ត្រូវបានយល់ថា កំពុងពិភាក្សាដើម្បីចុះហត្ថលេខាជាមួយ Firmino។ ការចរចាកំពុងបន្ត និងរង់ចាំការសម្រេចចុងក្រោយ ” ៕ព័ត៌មានកីឡាបាល់ទាត់ថ្មីៗ
