Cardiff City ត្រូវបានសហព័ន្ធបាល់ទាត់ពិភពលោកហៅកាត់ថា FIFA បញ្ជាឱ្យបង់ប្រាក់ឱ្យក្លឹបបារាំង Nantes នូវសមតុល្យជុំវិញការផ្ទេរកីឡាករ Emiliano Sala ដែលបានជួបគ្រោះអកុសលស្លាប់ក្នុងឧប្បត្តិហេតុធ្លាក់យន្តហោះ មុនពេលខ្សែប្រយុទ្ធអន្តរជាតិអាហ្សង់ទីនបង្ហាញវត្តមានលេងឱ្យក្រុមដែលមានមូលដ្ឋាននៅប្រទេសវេលស៍។
ប្រភពពីBBCបានបន្តចុះផ្សាយថាក្លឹបដែលកំពុងលេងនៅក្របខណ្ឌ Championship ត្រូវបង់ប្រាក់ប្រមាណ ១១ លានអឺរ៉ូ ស្មើនិង(៩,៤៥ លានផោន)បើទោះបីជាកិច្ចសន្យា ផ្ទេរកន្លងមកមានចំនួន១៧ លានអឺរ៉ូដែលបានព្រមព្រៀងគ្នារវាងក្លឹប។Cardiff City មានជម្លោះជាមួយ FC Nantes ជុំវិញតម្លៃផ្ទេរ ចាប់តាំងពីការស្លាប់របស់ខ្សែប្រយុទ្ធវ័យក្មេងក្នុងខែមករា ឆ្នាំ ២០១៩ នៅពេលយន្តហោះឯកជនបានដឹក Sala ពីបារាំងទៅកាន់ប្រទេសវែលបានធ្លាក់ចូលក្នុងសមុទ្រមួយក្បែរចក្រភពអង់គ្លេស។
ជាមួយគ្នានេះ រដ្ឋអាជ្ញាបារាំងបានបញ្ជាក់ថា បុគ្គលិកជាច្រើននាក់របស់ FC Nantes ត្រូវបានចាប់ខ្លួននោះគឺជាផ្នែកមួយនៃការស៊ើបអង្កេតលើការលាងលុយកខ្វក់ និងការក្លែងបន្លំពន្ធ។នៅក្នុងសេចក្តីថ្លែងការណ៍មួយ អ្នកគ្រប់គ្រងក្លឹប FC Nantes អគ្គនាយករងរបស់គាត់ និងមនុស្សពីរនាក់ រួមទាំងភ្នាក់ងាររបស់កីឡាករម្នាក់ ត្រូវបានដាក់នៅក្នុងមន្ទីរឃុំឃាំងរបស់ប៉ូលីស ប៉ុន្តែត្រូវបានដោះលែងដោយរង់ចាំការស៊ើបអង្កេត។ព័ត៌មានកីឡាបាល់ទាត់ថ្មីៗ
