Barcelona ត្រូវបានគេរាយការណ៍ថាបានច្រានចោលការផ្តល់ជូនរបស់ Inter Milan សម្រាប់កិច្ចព្រមព្រៀងដោះដូរដែលពាក់ព័ន្ធនឹងខ្សែបម្រើ Franck Kessie។ ក្លិបយក្សនៅក្របខណ្ឌ Serie A បានត្រៀមខ្លួនរួចជាស្រេចក្នុងការផ្តល់ជូន Denzel Dumfries ឬ Joaquin Correa សម្រាប់ក្លឹបអ្នកមានបុណ្យ ។ Kessie បានចូលរួមជាមួយ Barcelona ក្នុងនាមជាភ្នាក់ងារឥតគិតថ្លៃកាលពីរដូវក្តៅមុន បន្ទាប់ពីកិច្ចសន្យារបស់គាត់ជាមួយ AC Milan ត្រូវបានផុតកំណត់។
ខ្សែបម្រើរូបនេះបានបរាជ័យក្នុងការពង្រឹងកន្លែងរបស់ខ្លួនក្នុងក្រុមរបស់លោក Xavi ហើយ គាត់បានបង្ហាញខ្លួនចំនួន 43 ដងនៅគ្រប់ការប្រកួតក្នុងរដូវកាលនេះ ដោយ ស៊ុតបញ្ចូលទីបាន 3 ដង និង assist បានបីដង។ មួយវិញទៀតបើ Sergio Busquets បានចាកចេញក៏ដោយ ប៉ុន្តែ Kessie មិនត្រូវបានគេរំពឹងថានឹងក្លាយជាកីឡារជំនួសនៅរដូវកាលក្រោយនោះទេ ហើយត្រូវបានគេរាយការណ៍ថាកំពុងស្វែងរកការផ្លាស់ប្តូរនៅរដូវក្តៅនេះ។
ជាមួយគ្នានេះដែរក្លឹប Inter បានចាប់អារម្មណ៍ក្នុងការនាំយកគាត់ត្រលប់ទៅ Serie A ហើយបានផ្តល់ឱកាសឱ្យ ក្លឹបអ្នកមានបុណ្យ ចុះហត្ថលេខាលើខ្សែការពារស្លាបសញ្ជាតិហូឡង់ Dumfries ឬខ្សែប្រយុទ្ធអាហ្សង់ទីន Correa ។ ទោះបីជាយ៉ាងណាក៏ដោយ Barcelona ត្រូវបានគេរាយការណ៍ថាបានច្រានចោលសំណើរបស់ Inter Milan ហើយ។ គួរអោយដឹងថា Kessie គឺជាកីឡាករសំខាន់របស់ AC Milan កំឡុងពេលគាត់នៅក្លឹបដោយគាត់បានបង្ហាញខ្លួនចំនួន 223 លើកសម្រាប់ក្រុម Milan ដោយស៊ុតបញ្ចូលទីបាន 37 គ្រាប់ និង assists 16 ដងដែរ។ព័ត៌មានកីឡាបាល់ទាត់ថ្មីៗ
