អតីតខ្សែបម្រើរបស់ AC Milan និង Juventus លោក Andrea Pirlo (អាយុ 44 ឆ្នាំ) ត្រូវបានតែងតាំងជាគ្រូបង្វឹកថ្មីរបស់ Sampdoria ក្នុងកិច្ចសន្យារយៈពេល 2 ឆ្នាំ នេះបើតាមការបញ្ជាក់របស់ក្លឹប Serie B របស់អ៊ីតាលីកាលពីថ្ងៃអង្គារ។
Pirlo ដែលបានឈ្នះពានរង្វាន់ World Cup ក្នុងនាមជាកីឡាករជាមួយអ៊ីតាលីក្នុងឆ្នាំ 2006 បានជាប់កិច្ចសន្យារយៈពេលមួយឆ្នាំក្នុងនាមជា គ្រូបង្វឹក Juventus ក្នុងឆ្នាំ 2020-21 បន្ទាប់ពីគាត់បានបង្វឹកក្រុមអាយុក្រោម 23 ឆ្នាំរបស់ពួកគេរយៈពេលខ្លី។
Juve បានបណ្តេញ Pirlo ក្នុងខែឧសភា ឆ្នាំ 2021 បន្ទាប់ពីគាត់បានដឹកនាំពួកគេឱ្យឈ្នះពានរង្វាន់ Coppa Italia និង Supercoppa ប៉ុន្តែអាចជួយឱ្យពួកគេត្រឹមចំណាត់ថ្នាក់លេខ 4 នៅ Serie A ប៉ុណ្ណោះ។
បន្ទាប់មកគាត់ត្រូវបានតែងតាំងជាអ្នកចាត់ការទូទៅនៃក្រុមកំពូលរបស់ប្រទេសទួរគី Fatih Karagumruk SK ក្នុងខែមិថុនា ឆ្នាំ 2022។
គាត់ត្រូវបានដោះលែងកាលពីខែឧសភា ខណៈដែលក្លឹបដែលបានឡើងទៅកាន់ក្របខ័ណ្ឌកំពូលនៅឆ្នាំ 2020 បានបញ្ចប់ក្នុងចំណាត់ថ្នាក់លេខ 7 ក្នុងការប្រកួតក្របខ័ណ្ឌទួរគី Super Lig ឆ្នាំ 2022-23 ។
Sampdoria នឹងលេងនៅ Serie B នៅរដូវកាលក្រោយ បន្ទាប់ពីត្រូវបានកាត់ចេញពីក្របខណ្ឌកំពូល។
ពួកគេបានបញ្ចប់នៅបាតតារាង Serie A ក្នុងយុទ្ធនាការឆ្នាំ 2022-23 បន្ទាប់ពីឈ្នះបីប្រកួត និងចាញ់ 25។ព័ត៌មានកីឡាបាល់ទាត់ថ្មីៗ
