ប្រភពដែលដឹងអំពីបញ្ហានេះបាននិយាយថា Steven Gerrard (អាយុ ៤៣ ឆ្នាំ) កំពុងពិចារណាលើសំណើមួយដើម្បីក្លាយជាគ្រូបង្វឹករបស់ក្លឹបអារ៉ាប៊ីសាអ៊ូឌីត Al-Ettifaq។
ប្រភពបានប្រាប់ រ៉យទ័រ កាលពីល្ងាចថ្ងៃសៅរ៍ ថា ” Al-Ettifaq បានផ្តល់សំណើមួយទៅ Gerrard ។ គាត់ស្វាគមន៍គំនិតនេះ ប៉ុន្តែបានសុំពេលវេលាដើម្បីសិក្សាការផ្តល់ជូននេះ” ។
អតីតប្រធាន ក្រុម Liverpool បានចាកចេញពីតួនាទីរបស់គាត់ជាគ្រូបង្វឹកក្រុម Aston Villa កាលពីខែតុលាឆ្នាំមុន បន្ទាប់ពីដំណើរការមិនល្អ។
មុននោះ Gerrard បានដឹកនាំ Rangers លើកពាន Scottish Premier League ក្នុងរដូវកាល 2020-2021 ដោយបញ្ចប់រដូវកាលនេះ ដោយគ្មានការចាញ់ណាមួយឡើយ។
Al-Ettifaq បានបញ្ចប់ក្នុងចំណាត់ថ្នាក់លេខ 7 ក្នុងក្របខ័ណ្ឌកំពូល Saudi Pro League កាលពីរដូវកាលមុន។
លីគអារ៉ាប៊ីសាអូឌីតមានព័ត៌មានបន្ទាប់ពី Al-Nassr បានចុះហត្ថលេខាលើ Cristiano Ronaldo (38) ក្នុងតម្លៃដ៏ច្រើនសន្ធឹកសន្ធាប់កាលពីចុងខែធ្នូឆ្នាំមុន ហើយ Karim Benzema (36) អតីតប្រធាន ក្រុម Real Madrid បានចូលរួមជាមួយ Al-Ittihad កាលពីសប្តាហ៍មុន។ព័ត៌មានកីឡាបាល់ទាត់ថ្មីៗ
