ជោគវាសនាក្លឹបកញ្រ្ជោងខៀវ Leicester City ឡើងចុះដូចរង្វិលជុំ ដោយរៀងរាល់ ១០ ឆ្នាំម្តង តែងមានការផ្លាស់ប្តូរគួរឲ្យកត់សម្គាល់ បើយើងក្រឡេកមើលថេរវេលានា ២ ទសវត្សមកនេះ។ គ្រារដូវកាល ២០០៣/០៤ បានធ្លាក់ចេញពី Premier League មកកាន់ Championship ដល់ហើយរំលងទៅរដូវកាល ២០១៣/១៤ ក៏បាន Promote ឡើងមកលីគលំដាប់ទីមួយជាថ្មី ហើយដល់មួយទសវត្សក្រោយ ២០២៣ នេះ បែរត្រូវធ្លាក់ទៅវិញម្តងទៀត។
ឆ្លងកាត់ដំណើរដ៏ឆ្ងាយ ក្លឹបមានមូលដ្ឋានស្ថិតក្នុងទីក្រុង Leicester ចក្រភពអង់គ្លេស ក៏បានហែលកាត់រឿងរ៉ាវគួរឲ្យចងចាំ និងហេតុការណ៍សោកសង្រេងជាច្រើន ក្រោមការកាន់កាប់របស់ម្ចាស់ ជាជនជាតិថៃនៃត្រកូលគ្រួសារ Srivaddhanaprabha (ศรีวัฒนประภา) ដែលជាស្ថាបនិកក្រុមហ៊ុន King Power ។
ទំព័រ CTS Sports ធ្វើការសង្ខេបទាក់ទិនដំណើរនៃជោគជ័យ និងបរាជ័យ ក៏ដូចជាកីឡាករចាស់ថ្មីបានចាកចេញ ដូចគ្នានឹងការទើបមកចូលរួមពេលថ្មីថ្មោង៖យើងសារថយក្រោយទៅរដូវកាល ២០១៣/១៤ ជាពេលវេលាអស្ចារ្យរបស់ Leicester ដែលឈ្នះជើងឯក Championship ហើយ Promote ឡើងមកកាន់លីគលំដាប់ទី ១។
តំណែងនាយកប្រតិបត្តិក្លឹបត្រូវបានផ្ទេរភ្លាមៗទៅឲ្យកូនប្រុសវ័យ ៣៧ ឆ្នាំ Aiyawatt Srivaddhanaprabha មកដឹកនាំទល់សព្វថ្ងៃ។ ជោគជ័យក៏កើតឡើងមួយរំពេចដែរ ជាក់ស្តែងដូចរដូវកាលបន្តបន្ទាប់ មានការឈ្នះពាន FA Cup, FA Community Shield និងឡើងដល់វគ្គពាក់កណ្តាលផ្តាច់ព្រ័ត្រ UEFA Europa Conference League ជាដើម តែរដូវកាលចុងក្រោយនេះ ២០២២/២៣ ឈរលេខរៀងទី ១៨ ត្រូវធ្លាក់ចេញមកកាន់លីគលំដាប់ទីពីរ។ មានន័យថា រង្វិល ១០ ឆ្នាំរាប់ពី ២០១៤ មកកាន់ ២០២៤ ពួកគេមានឈ្មោះនៅ Championship ជាថ្មីម្តងទៀត។
និយាយអំពីខ្សែប្រយុទ្ធអង់គ្លេស ក៏បានបដិសេធសំណើមិនទៅចូលរួមនៅក្លឹបក្នុងប្រទេសអារ៉ាប៊ីសាអូឌីត ក៏ដូចសំណើក្លឹបធំផ្សេងទៀត ហើយហាក់បន្តស្ម័គ្រស្មោះជាមួយ Leicester បើទោះបីត្រូវលេងនៅលីគទាបជាង Premier League។ ត្រង់សម្រង់សម្តីចាក់បេះដូងមួយ គេធ្លាប់និយាយកាលឆ្នាំ ២០១៦៖ “ឲ្យខ្ញុំចាកចេញពី Leicester គឺខ្ញុំអត់អាចធ្វើទៅរួចទេ នេះពួកគេជាក្លឹបតែមួយគត់ ដែលទទួលយកខ្ញុំ នៅថ្ងៃដែលគ្មានអ្នកត្រូវការខ្ញុំ”។
ចម្លែកអីកីឡាករ ២ រូបទើបផ្ទេរចូលថ្មីថ្មោង ហាក់មើលឃើញការលេងនៅលីគលំដាប់ពីរជាឱកាសល្អសម្រាប់ពួកគេទៅវិញ ដូច Harry Winks បានចាកចេញពី Spurs និង Conor Coady បានចាកចេញពី Wolves មកចុះចូលនៅ Leicester សម្រាប់រដូវកាលថ្មី៕អានពត៌មានប្រចាំថ្ងៃ
