ដោយប្រើក្បាច់ពិសេសៗបានធ្វើឲ្យកីឡាការិនីម្ចាស់មេដាយពិភពលោក កីឡាការិនី ខាន់ ចេសា ទម្ងន់៥២គីឡូក្រាម បានធ្វើដៃគូចំនួន៣ប្រកួត បានប្រកាសសុំចុះចាញ់ដោយមិនទាន់ដល់ការកំណត់របស់អាជ្ញាកណ្តាល ។
ដោយចំណាយពេលមិនទាន់ដល់ការកំណត់ក្នុងការប្រកួតផង កីឡាម្ចាស់មេដាយកម្រិតពិភពលោកបានផ្ដួលកីឡាការិនី មកពី៣ ប្រទេសជាប់ៗគ្នា ហើយបានយកឈ្នះលើកីឡាការិនីមកពី ប្រទេស សឹង្ហបុរី វៀតណាម និងថៃ។
ពោលគឺកីឡាការិនី ខាន់ ចេសា ពិតជាមានសមត្ថភាពខ្លាំងអស្ចារ្យ ដោយយកឈ្នះ៣ឌុប លើកីឡាការិនីសិង្ហបុរី កីឡាការិនីវៀតណាម និងកីឡការិនីថៃ ក្នុងពិន្ទុ ១០០ ទល់ ០ ដោយសារតែកីឡាការិនីនៃប្រទេសទាំង៣ បានសុំចុះចាញ់តែម្តង។
ការប្រកួតប្រភេទកីឡាស៊ីហ្គេមលើវិញ្ញាសាជូជីតស៊ូ (52kg) នៅថ្ងៃទី៤ ខែឧសភា ឆ្នាំ២០២៣ នៅមជ្ឈមណ្ឌលពិព័រណ៌អន្ដរជាតិជ្រោយចង្វារ ។ ការប្រកួតគូទី១ កីឡាការិនី ខាន់ ចេសា យកឈ្នះកីឡាការិនីសិង្ហបុរី ដោយគោះដៃសុំចុះចាញ់ ចំណែកទី២ យកឈ្នះកីឡាការិនីវៀតណាម ដោយគោដៃសុំចុះចាញ់ និងទី៣ ខាន់ ចេសា ប្រកួតជាមួយកីឡាការិនីថៃបានធ្វើឲ្យកីឡាការិនីថៃគោះដៃសុំចុះចាញ់ផងដែរ ។
សូមជម្រាបថា ការប្រកួតសាជូជីតស៊ូមាន៧ប្រទេសរួមមាន ៖ ប្រទេសកម្ពុជា វៀតណាម ឡាវ ហ្វីលីពីន ថៃ មីយ៉ាន់ម៉ា និងសិង្ហបុរី ៕អានពត៌មានប្រចាំថ្ងៃ
