យោងតាមសារព័ត៌មាន Telegraph បានឱ្យដឹងថា ក្លិប Tottenham Hotspur ត្រៀមផ្តល់ជូនកីឡាករឆ្នើមរបស់ពួកគេ Harry Kane នូវប្រាក់ឈ្នួលកំណត់ត្រាក្លឹបតម្លៃ ៤០០,០០០ ផោន (ជិត ៥២០,០០០ដុល្លារ) ក្នុងមួយសប្តាហ៍ ដើម្បីបញ្ចុះបញ្ចូលតារាឆ្នើមរូបនេះឱ្យបន្តកិច្ចសន្យាជាមួយក្រុមបន្តទៀត។
ទោះបីជាមានការរំពឹងទុកជាបន្តបន្ទាប់អំពីអនាគតរបស់កីឡាករអង់គ្លេសរូបនេះ និងទទួលបានការចាប់អារម្មណ៍ពីសំណាក់ក្លិបអាល្លឺម៉ង់ Bayern Munich ក៏ដោយ ក៏ Kane បានបង្ហាញពីការបើកចំហរក្នុងការលេងនៅក្រៅពីប្រទេសអង់គ្លេស ខណៈដែលតារាជើងស៊ុតរូបនេះ បន្តបំបែកកំណត់ត្រាគ្រាប់បាល់នៅក្នុងក្របខណ្ឌ Premier League ។
ទោះជាយ៉ាងណាក៏ដោយ ប្រធានក្លឹប Tottenham Hotspur លោក Daniel Levy សង្ឃឹមថាកិច្ចសន្យាថ្មី នឹងអាចបញ្ចុះបញ្ចូលគ្រាប់ពេជ្ររបស់ខ្លួន Harry Kane ឱ្យបន្តស្នាក់នៅក្លិបដែលមានមូលដ្ឋាននៅទីក្រុងឡុងដ៍បន្តទៀត។
សម្រាប់គ្រូបង្វឹកថ្មីរបស់ Spurs លោក Ange Postecoglou អាទិភាពចម្បងសម្រាប់ពេលនេះគឺការបញ្ចុះបញ្ចូលប្រធានក្រុមអង់គ្លេសខាងលើឱ្យមើលឃើញថា Spurs គឺជាកន្លែងដ៏ល្អបំផុតសម្រាប់គាត់ក្នុងការសម្រេចបានភាពជោគជ័យ និងឈ្នះពានរង្វាន់ជាច្រើន ស្របពេលដែលគ្រូបង្វឹកខាងលើ ក៏មានគោលបំណងដឹកនាំក្លឹបឱ្យត្រលប់ទៅកាន់ការប្រកួត Champions League វិញផងដែរ៕ព័ត៌មានកីឡាបាល់ទាត់ថ្មីៗ
