ទីបំផុត លោក Mauricio Pochettino បានចុះកិច្ចសន្យារយៈពេល៣ឆ្នាំជាមួយនឹងក្លិប Chelsea ក្រោយពីការរង់ចាំការចុះកុងត្រារបស់លោក អស់រយៈពេលដ៏យូរ។ បុរសសញ្ជាតិអាហ្សង់ទីនរូបនេះ នឹងចាប់ផ្តើមធ្វើការងារនៅកឡីដ្ឋាន Stamford Bridge បន្ទាប់ពីរដូវកាលនេះ បានបញ្ចប់ ហើយនិងជំនួសកន្លែងរបស់លោក Frank Lampard ដែលជាក្រូបង្វឹកបណ្តោះអាសន្ន។
លោកនឹងក្លាយជាអ្នកចាត់ការទូទៅទី២ ដែលត្រូវបានជួលដោយម្ចាស់ថ្មីរបស់ក្លិបគឺលោក Todd Boehly និងក្រុមហ៊ុន Clearlake Capital ក្រោយពីការដឹកនាំដែលមិនបានផ្តល់ភាពជោគជ័យអស់រយៈពេល៨ខែរបស់លោក Graham Potter។
លោក Pochettino ត្រូវបានផ្តល់កុងត្រាតិចជាងរយៈពេលដែលត្រូវបានផ្តល់ឲ្យលោក Potter កាលពីខែកញ្ញា ចំនួន២ឆ្នាំ។ លោក Jesus Perez នឹងចូលរួមក្នុងនាមជាគ្រូបង្វឹកជំនួយ ដោយលោកក៏បានធ្វើការជាមួយនឹងលោក Pochettino នៅក្លិប Tottenham និង Paris Saint-Germain ផងដែរ។ គ្រូបង្វឹកវ័យ៥១ឆ្នាំរូបនេះ មិនធ្លាប់បានដឹកនាំក្លិបមួយសោះ បើគិតចាប់ពីការដឹកនាំរបស់លោកនៅ PSG បានឈានដល់ទីបញ្ចប់ បន្ទាប់ពីកាន់តំណែងបានរយៈពេល១រដូវកាល រដូវកាលឆ្នាំ២០២១-២០២២។
នៅមុនពេលនោះ លោក Pochettino បានចំណាយពេលអស់៥ឆ្នាំ នៅជាមួយនឹងក្លិប Tottenham ដោយលោកបានដឹកនាំឲ្យពួកគេឈ្នះកៅអីទៅលេងក្នុងក្របខ័ណ្ឌ Champions League វគ្គផ្តាច់ព្រ័ត្រ ក្នុងឆ្នាំ២០១៩។ លោកត្រូវបានបណ្តេញចេញក្នុងរយៈពេលប៉ុន្មានខែក្រោយមក បន្ទាប់ពីបានជួបភាពត្រដាបត្រដួស នៅដើមរដូវកាលនោះ៕ព័ត៌មានកីឡាបាល់ទាត់ថ្មីៗ
