ក្រុម AS Roma នឹងមានការប្រកួតដ៍សំខាន់បំផុតប្រចាំរដូវកាលនៅថ្ងៃពុធទី ៣១ ខែឧសភា ក្នុងវគ្គផ្តាច់ព្រ័ត្រ Europa League ទល់នឹង Sevilla ។
គួររំលឹកថាគិតត្រឹមសប្តាហ៍ទី៣៧ Roma បានត្រឹមឈរនៅចំណាត់ថ្នាក់ទី៦ នៅSerieA ដែលមានឪកាសលេងត្រឹមវគ្គជម្រុះពាន Europa League រដូវកាលក្រោយប៉ុណ្ណោះប៉ុន្តែប្រសិនពួកគេអាចផ្តួលSevilla បាននោះក្រុម មានកៅអីសម្រាប់ការប្រកួតជម្រុះសម្រាប់ក្របខ័ណ្ឌ Champions League ។
ដោយមើលឃើញពីសារៈសំខាន់ដូចនេះហើយទើបលោក Jose Mourinho បានចេញបទបញ្ជាដាច់ណាត់ដោយចាក់សោមិនអោយក្រុមជម្រើសដំបូងរបស់គាត់ដើរចេញទៅណាផ្តេសផ្តាស់ក្រៅពីទីលានហ្វឹកហាត់មុនការប្រកួតផ្តាច់ព្រ័ត្រមកដល់ និងតម្រូវអោយមានតែបុគ្គលិកបច្ចេកទេស និងពេទ្យប៉ុណ្ណោះដែលអនុញ្ញាតនៅធ្វើការផ្នែកខាងក្នុងហើយ សូម្បីតែបុគ្គលិកក្លឹបក៏មិនអាចចូលបានដែរ។
ការអនុវត្តវិន័យបែបនេះត្រូវបានមើលឃើញថាលោក Mourinho មានបំណងមិនចង់អោយនរណាម្នាក់ក្រៅពីក្រុមការងាររបស់គាត់បានឃើញកីឡាកររបស់គាត់បានកំពុងហ្វឹកហាត់នោះទេ ទន្ទឹមនឹងនោះ ក្រុមគ្រូពេទ្យក៍កំពុងតាមដានវឌ្ឍនភាពរបួសរបស់ Paulo Dybala ខណៈកីឡាករអាហ្សង់ទីនហាក់នៅមិនទាន់ដឹងថាអាចបង្ហាញខ្លួនចូលលេង សម្រាប់វគ្គផ្តាច់ព្រ័ត្រនៅឡើយទេ។
លោក Mourinho មានប្រវត្តិធ្លាប់ដឹកនាំក្រុមជាច្រើនមានដូចជា Porto, Inter Milan, និង Man.Utd ឈានដល់វគ្គផ្តាច់ព្រ័ត្រពានកំពូលអឺរ៉ុបទាំង៥ ដងដោយឈ្នះទាំងប្រាំមុនពេលឈានដល់វគ្គផ្តាច់ព្រ័ត្រលើកទី៦នេះ។ព័ត៌មានកីឡាបាល់ទាត់ថ្មីៗ
