ក្រុមបាល់ទាត់ជម្រើសជាតិកម្ពុជាអាយុក្រោម២២ឆ្នាំទទួលបានជ័យជម្នះលើក្រុមជម្រើសជាតិទីម័រខាងកើតដោយលទ្ធផល ៤-០ សម្រាប់ការប្រកួតវគ្គសន្សំពិន្ទុក្នុងពូល A នៃព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅពហុកីឡដ្ឋានជាតិអូឡាំពិក យប់ថ្ងៃសៅរ៍ ទី២៩ ខែមេសា។
និយាយជារួម រឿងល្អរបស់កម្ពុជាត្រូវបានចាកហើយក្នុងប្រវត្តិសាស្ត្រកីឡាស៊ីហ្គេម តាមរយៈការផ្តល់សំបុត្រដោយឥតគិតថ្លៃដល់អ្នកគាំទ្រជាតិ និងអន្តរជាតិ ផ្តល់ជូនសិទ្ធិផ្សព្វផ្សាយដោយឥតគិតថ្លៃទាំងជាតិ និងអន្តរជាតិ ហើយមិនយកតម្លៃលើការស្នាក់នៅ ម្ហូបអាហារ និងការដឹកជញ្ជូនពីអត្តពលិក និងប្រតិភូអាស៊ាន។
និយាយពីការប្រកួតបាល់ទាត់រវាងកម្ពុជា និងទីម័រខាងកើតដែលជាថ្ងៃទី១នៃការប្រកួតកីឡាស៊ីហ្គេម លើកទី៣២ មានរឿងល្អមួយចំនួនដូចខាងក្រោម៖
បន្ទាប់ពីខកខានរយៈពេលប្រហែលជាបីបួនឆ្នាំចុងក្រោយ ភាពរីករាយ និងរំភើបឥតឧបមារបស់អ្នកគាំទ្រកម្ពុជាប្រមាណជិត៣ម៉ឺននាក់បានកើតមានជាថ្មីនៅពហុកីឡដ្ឋានជាតិអូឡាំពិក។ ប្រសិនបើ អនុញ្ញាតឲ្យអ្នកគាំទ្រចូលមើលដូចមុនៗនោះ ម្ល៉េះអ្នកគាំទ្រមិនក្រោម៦ម៉ឺននាក់ឡើយ។ កាលពីចន្លោះឆ្នាំ២០១៤-២០១៦ អ្នកគាំទ្រប្រមាណចាប់ពី៣ម៉ឺនទៅ៦ម៉ឺននាក់បានទស្សនាផ្ទាល់នៅស្តាតអូឡាំពិក ប៉ុន្តែចាប់ពីឆ្នាំ២០១៨មកដល់ឆ្នាំ២០២ អ្នកគាំទ្រកម្ពុជាបានថយចុះយ៉ាងខ្លាំង។
សន្តិសុខ និងសណ្តាប់ធ្នាប់នៅពហុកីឡដ្ឋានជាតិល្អប្រសើរ បើប្រៀបធៀបនឹងការប្រកួតរបស់ក្រុមបាល់ទាត់ជម្រើសជាតិកម្ពុជាកាលពីឆ្នាំ២០១៤-២០១៦។ យប់មិញនេះ រថយន្តអ្នកគាំទ្រមិនត្រូវបានអនុញ្ញាតឲ្យចូលក្នុងបរិវេណពហុកីឡដ្ឋានជាតិទេ លើកលែងតែរថយន្តរបស់មន្ត្រីរៀបចំការប្រកួត ដឹកកីឡាករ និងម៉ូតូអ្នកគាំទ្រប៉ុណ្ណោះដែលអនុញ្ញាតឲ្យចូលផ្ញើ។ ដូច្នេះការធ្វើដំណើរចេញ និងចូលរបស់អ្នកគាំទ្រស្រួល។ នៅតាមច្រកចូលមើលការប្រកួតនីមួយៗក៏រៀបចំបានល្អ ហើយគ្មានអ្នកគាំទ្ររញីរញៃឡើយ។
អ្វីដែលគួរឲ្យចាប់អារម្មណ៍មួយទៀតនោះ កន្លែងជ័រអង្គុយត្រូវបានរៀនចំដាក់ចន្លោះៗគ្នា និងចំនួនមានកំណត់ ដូច្នេះនៅពេលអ្នកគាំទ្រអង្គុយ និងធ្វើដំណើរឆ្លងកាត់ស្រួល មិនចង្អៀត ដែលមើលទៅមានសុវត្ថិភាព។ព័ត៌មានកីឡាបាល់ទាត់ថ្មីៗ
