ម្ចាស់ក្លឹប Manchester United ដែលជាគ្រួសារ The Glazer បានដាក់លក់ក្លឹបនេះជាលើកដំបូងនៅក្នុងខែវិច្ឆិកា ឆ្នាំ២០២២។ បន្ទាប់ពីការដេញថ្លៃ និងការចរចាជាច្រើនខែ ការសែត ‘Daily Mail’ បានរាយការណ៍ថា ម្ចាស់ក្លិបថ្មីអាចនឹងត្រូវបានប្រកាសនៅក្នុងសប្តាហ៍នេះតែម្ដង។
កិច្ចព្រមព្រៀងនេះ គឺនឹងរៀបចំឡើងដោយក្រុមហ៊ុន Raine Group ដែលជាធនាគារពាណិជ្ជរបស់សហរដ្ឋអាមេរិក ហើយប្រភពបានរាយការណ៍ថា ព្រះអង្គម្ចាស់នៃប្រទេសកាតា Sheikh Jassim bin Hamad al-Thani និងមហាសេដ្ឋីអង់គ្លេសលោក Sir Jim Ratcliffe កំពុងបញ្ចប់ព័ត៌មានលម្អិតនៃកិច្ចព្រមព្រៀងនេះ។
ទោះបីជាមហាសេដ្ឋី Sheikh Jassim ប្រកាសថាការផ្តល់ជូនលើកទី៥ របស់គាត់ ដែលនៅតែមិនឆ្លើយតបទៅនឹងការចង់បានរបស់ក្រុមគ្រួសារ The Glazer ក្នុងតម្លៃចំនួន ៦ ពាន់លានផោន ប៉ុន្តែមានគេរាយការណ៍ថា មហាសេដ្ឋីកាតាបានដាក់សំណើដែលប្រសើរជាងនេះក្នុងសប្តាហ៍នេះ។
លោក Sheikh Jassim កំពុងស្វែងរកទិញភាគហ៊ុនក្លិបនេះ ១០០%តែម្ដង ហើយវាត្រូវបានគេជឿថាការផ្តល់ជូនរបស់គាត់ចុងក្រោយក្នុងតម្លៃប្រហែល ៥ ពាន់លានផោន។ ចំណែកឯការផ្តល់ជូនពីក្រុមហ៊ុនរបស់លោក Ratcliffe Ineos គឺចង់ទិញត្រឹមតែ ៦០ ភាគរយនៃភាគហ៊ុនក្លិបប៉ុណ្ណោះ ហើយភ្ជាប់មកជាមួយសំណើដែលនឹងអនុញ្ញាតឱ្យសមាជិកនៃគ្រួសារ Glazer ដែលមិនមានប្រជាប្រិយភាពជាមួយនឹងអ្នកគាំទ្ររបស់ Man United កាន់កាប់ភាគហ៊ុនមួយផ្នែកបន្តទៀត៕ព័ត៌មានកីឡាបាល់ទាត់ថ្មីៗ
