ប្រជាជនប្រេស៊ីល នឹងមិនចាំបាច់ព្រួយបារម្ភអំពីការទៅធ្វើការយឺតយ៉ាវនោះឡើយ ពេលពួកគេទស្សនាការប្រកួតបាល់ទាត់ពិភពលោកផ្នែកនារី បន្ទាប់ពីរដ្ឋាភិបាលបានប្រកាសផ្លាស់ប្ដូរម៉ោងធ្វើការ ដើម្បីឱ្យពួកគេអាចតាមដានការប្រកួតបាល់ទាត់កម្រិតពិភពលោក ដែលប្រព្រឹត្តឡើងនៅក្នុងប្រទេសអូស្ត្រាលី និងនូវែលសេឡង់បានដោយរីករាយ។
ជាមួយនឹងការប្រកួតវគ្គចែកពូលរបស់ប្រទេសប្រេស៊ីលក្នុងប្រទេសអូស្ត្រាលី ដែលនឹងត្រូវចាក់ផ្សាយនៅព្រឹកព្រលឹម រដ្ឋមន្ត្រីគ្រប់គ្រង និងនវានុវត្តន៍ក្នុងសេវាសាធារណៈនៃប្រទេសប្រេស៊ីល លោកស្រី Esther Dweck បានប្រាប់បុគ្គលិក និងមន្ត្រីរាជការថា៖«ពួកគេអង្គុយទស្សនាការប្រកួតបាល់ទាត់ដោយរីករាយ ហើយពេលប្រកួតចប់ចាំមកធ្វើការ។ ការប្រកួតចាប់ផ្តើមនៅម៉ោង៨ ដល់១០ព្រឹកម៉ោងក្នុងប្រទេសប្រេស៊ីល ដូច្នេះប្រជាជនអាចចូលធ្វើការម៉ោង១២ថ្ងៃត្រង់បាន។ ប៉ុន្តែ នៅថ្ងៃដែលការប្រកួតចាប់ផ្តើមនៅម៉ោង៧:៣០ព្រឹក ម៉ោងធ្វើការនឹងចាប់ផ្តើមនៅម៉ោង១១ព្រឹក»។ព័ត៌មានកីឡាបាល់ទាត់ថ្មីៗ
ក្រុមបាល់ទាត់នារីប្រេស៊ីល ជាជើងខ្លាំងប្រចាំតំបន់ ដែលបានឈ្នះជើងឯក Copa America Femenina ចំនួនប្រាំបីដង ប៉ុន្តែហាក់ធ្វើមិនទាន់បានល្អឡើយក្នុងការប្រកួតបាល់ទាត់ពិភពលោក។ កំណត់ត្រាដ៏ល្អបំផុតរបស់ពួកគេនៅការប្រកួតបាល់ទាត់ពិភពលោក គឺនៅឆ្នាំ២០០៧ ដោយពួកគេទទួលបានជើងឯករងក្រោយចាញ់អាល្លឺម៉ង់ក្នុងវគ្គផ្តាច់ព្រ័ត្រ។ សម្រាប់ការប្រកួតឆ្នាំនេះ ប្រេស៊ីលស្ថិតនៅក្នុងពូល F ហើយចាប់ផ្តើមយុទ្ធនាការរបស់ពួកគេនៅថ្ងៃចន្ទទី២៤ ខែកក្កដា ដោយត្រូវតទល់នឹងក្រុមប៉ាណាម៉ាក្នុងទីក្រុង Adelaide មុនពេលជួបជាមួយបារាំងនៅទីក្រុង Brisbane និង ចាមៃកា ក្នុងទីក្រុង Melbourne៕
