ក្រុមជម្រើសជាតិកម្ពុជាអាយុក្រោម២៣ឆ្នាំ នឹងចាប់ផ្តើមការប្រកួតវគ្គជម្រុះបាល់ទាត់នៃពានរង្វាន់ជើងឯកថ្នាក់អាស៊ី AFC U-23 Asian Cup, Qatar 2024 នាថ្ងៃនេះហើយ។
ខណៈដែលក្រុមជម្រើសជាតិកម្ពុជាអាយុក្រោម២៣ឆ្នាំ ឈរនៅក្នុងពូល J ជាមួយនឹងក្រុមជម្រើសជាតិលីបង់, ម៉ុងហ្គោលី និងអារ៉ាប៊ីសាអូឌីត ។
ក្រុមជម្រើសជាតិកម្ពុជាអាយុក្រោម២៣ឆ្នាំ ដែលដឹកនាំដោយគ្រូបង្គោល លោក Koji Gyotoku និងកីទ្បាករទាំង២៣នាក់ មកពីក្លឹបបាល់ទាត់ផ្សេងៗគ្នាក្នុងលីគកំពូលកម្ពុជា និងលីគទី២ ក៏ដូចជាក្រុមការងារគ្រូបង្វឹក រួមទាំងមន្ត្រីជាប់ពាក់ព័ន្ធនឹងក្រុមជម្រើសជាតិទាំងមូល បានទៅដល់ប្រទេសអារ៉ាប៊ីសាអូឌីត កាលពីថ្ងៃទី០៤កញ្ញា ឆ្នាំ២០២៣ ដើម្បីចូលរួមប្រកួតប្រជែងដណ្តើមពានរង្វាន់ជើងឯកថ្នាក់អាស៊ីដ៏សំខាន់មួយនេះ។
គួរឱ្យដឹងដែរថា សម្រាប់ការប្រកួតដណ្តើមពានរង្វាន់ជើងឯកថ្នាក់អាស៊ី AFC U23 Asian Cup, Qatar 2024 វគ្គជម្រុះក្នុងពូល ក្រុមជម្រើសជាតិកម្ពុជាអាយុក្រោម២៣ឆ្នាំ ត្រូវប៉ះគ្នាជាមួយក្រុមជម្រើសជាតិលីបង់ នៅថ្ងៃបើកឆាកទី០៦កញ្ញានេះ, ខណៈប្រកួតជាមួយក្រុមជម្រើសជាតិ ម៉ុងហ្គោលី នាថ្ងៃទី០៩កញ្ញា និងប្រកួតចុងក្រោយជួបក្រុមជម្រើសជាតិម្ចាស់ផ្ទះអារ៉ាប៊ីសាអូឌីត នៅថ្ងៃទី១២ ខែកញ្ញា ឆ្នាំ២០២៣តែម្ដង៕អានព័ត៌មានកីឡាថ្មីៗ
