ទោះបីជាអាចវាយបកយកឈ្នះលើក្រុមអង្គរថាយហ្គឺរក្នុងលទ្ធផល ៤-១ ក៏ពិតមែន ប៉ុន្តែប្រធានក្រុមបឹកកេត ចាន់ វឌ្ឍនាកា ថាក្រុមរបស់ខ្លួននៅខ្វះខាតចំណុចមួយចំនួនដែលនឹងត្រូវកែតម្រូវនៅការប្រកួតក្រោយៗបន្ថែមទៀត ហើយកីឡាកររូបនេះ បានចាត់ទុកគូរប្រជែងអង្គរថាយហ្គឺរថាជាក្រុមរៀបចំបានយ៉ាងល្អ និងមានវិន័យល្អក្នុងការប្រកួត។
ថ្លៃងនៅក្នុងសន្និសីទកាសែត ក្រោយពីបញ្ចប់ការប្រកួតខាងលើនេះ ប្រធានក្រុមបឹងកេត ចាន់ វឌ្ឍនាកា បាននិយាយថា៖ «ជាធម្មតា សម្រាប់ការប្រកួតទទួលបានជ័យជន្នះតែងតែសប្បាយ ប៉ុន្តែអ្វីដែលក្រុមរបស់យើងខ្វះខាត យើងនឹងកែតម្រូវបន្ថែមទៀតនៅការប្រកួតក្រោយៗ។ ជាក់ស្តែង យើងដឹងស្រាប់ហើយថាក្រុមអង្គរថាយហ្គឺរ គឺពួកគេរៀបចំបានយ៉ាងល្អ និងជាក្រុមមួយដែលមានវិន័យក្នុងការលេង។ អ៊ីចឹងហើយ ពួកយើងនឹងផ្តោតសំខាន់ៗលើការប្រកួតក្រោយៗទៀត ដើម្បីត្រៀមបញ្ចប់ការប្រកួតក្រោយបន្ថែមទៀត នៅកង្វះខាតដែលយើងបានលេងនៅថ្ងៃនេះ»។
លោកបានបន្តទៀតថា៖ «សម្រាប់បាល់ទាត់លុះត្រាតែយើងលេងដល់ចប់ ៩០ នាទី ទោះបីជាក្រុមណាទាន់ចូលមុន ឬ ក្រោយមិនសំខាន់។ អ្វីដែលសំខាន់នោះលើការរម្ងាប់អារម្មណ៍លេងនៅក្នុងទីលាន កុំឱ្យមានការពុះកច្រូល។ ថ្វីដ្បិតតែគេនាំមុខយើងមុនពិតមែន ប៉ុន្តែយើងអាចរម្ងាប់អារម្មណ៍បានល្អរហូតដល់ចុងក្រោយបានយើងអាចរកគ្រាប់បាល់ក្នុងតង់ទី ១ ដើម្បីតាមស្មើ។ ជាលទ្ធផលបើមែនទែនទៅគឺក្រុមអង្គរថាយហ្គឺរធ្វើបានល្អជាងពួកយើង»។ព័ត៌មានកីឡាបាល់ទាត់ថ្មីៗ
សូមរំលឹកផងដែរថា នៅក្នុងជំនួបរវាងក្រុមខ្លាំងទាំងពីនេះក្រុមអង្គរថាយហ្គឺរ បាននាំមុខ១គ្រាប់មុនលើក្រុមម្ចាស់នៅនាទី២៩ ពីការស៊ុតបាល់ Free Kick របស់កីទ្បាករ Blasco Victor មុនពេលប្រធានក្រុមបឹងកេត ចាន់ វឌ្ឍនាកា បានស៊ុតបញ្ចូលទី១គ្រាប់តាមស្មើនៅនាទី ៤៥+៥ ក្នុងតង់ទី១។
ប៉ុន្តែឈានចូលមកដល់តង់ទី២ ក្រុមបឹងកេត មានឱកាសវាយសម្រុកច្រើន និងដាក់សម្ពាធលើគូប្រជែងរបស់ខ្លួនរហូតដល់នាទី៦៤កីទ្បាករ ចាន់ វឌ្ឍនាកា ស៊ុតបាល់គ្រាប់ទី ២ បន្ថែមទៀត មុនពេលកីទ្បាករ Yoshihama Ryohei និងម៉ាត់ នរុន ធ្វើបានម្នាក់១គ្រាប់បន្ថែមទៀតនៅនាទី៦៦ និង៧៨ ជួយឱ្យក្រុមយកឈ្នះតែម្ដងក្រោមក្រសែភ្នែកអ្នកទស្សនាផ្ទាស់ប្រមាណ ១៨៦១ នាក់ក្នុងពហុកីទ្បដ្ឋានជាតិ ។ លទ្ធផលនេះ បានរក្សារហូតដល់ចប់៩០នាទី ដោយមិនមានគ្រាប់បាល់កើតទ្បើងបន្តទៀតឡើយ។
តាមរយៈលទ្ធផលនេះធ្វើឱ្យក្រុមបឹងកេតទទួលបាន ៣ពិន្ទុ និងទ្បើងមកលេខរៀងទី៤ ខណៈក្រុមមកពីខេត្តសៀរាប អង្គរថាយហ្គឺរ ជាក្រុមស្ថិតនៅបាតតារាង នៃតារាងពិន្ទុ Cambodia Premier League សប្តាហ៍ទី ២ បន្ទាប់ពីចាញ់២ប្រកួតជាប់ៗគ្នា។ គួរជម្រាបថា គិតត្រឹមមកពេលនេះក្រុមវិសាខា កំពុងកាន់កាប់កំពូលតារាងពិន្ទុ ខណៈលេខ២កាន់កាប់ដោយក្រុមព្រះខ័នរាជស្វាយរៀង និងលេខ៣គឺព្រៃវែង ក្រោយទាំង៣ក្រុមនេះ ទទួលបានជ័យជម្នះរៀងៗខ្លួននៅក្នុងសប្តាហ៍ទី២ ខណៈអង្គរថាយហ្គឺរអង្គុយនៅបាតតារាង៕
