(បាល់ទាត់)៖ អតីតខ្សែការពារដ៏ឆ្នើមរបស់ក្រុមបឹងកេត កីទ្បាករ ទេស សម្បត្តិ ត្រូវបានគេរាយការណ៍ថា កំពុងតែមានការផ្សារភ្ជាប់យ៉ាងខ្លាំង ជាមួយនឹងការផ្ទេរទៅកាន់អតីតក្លឹបចាស់របស់គេ អំទ្បុងពេលទីផ្សារដោះដូរកីទ្បាករលើកទី២ នៅក្នុងក្របខណ្ឌលីគកំពូលកម្ពុជា CPL ដែលកំពុងតែបើកដំណើរការ..។
ជាក់ស្តែង រដូវកាលថ្មីនេះកីទ្បាករវ័យ២៣ឆ្នាំរូបនេះ កំពុងប្រកបអាជីពបាល់ទាត់នៅក្លឹបវិសាខា មិនសូវមានឱកាសបង្ហាញខ្លួនជាញឹកញប់ទ្បើយ នាការប្រកួតជើងទី១ នៃក្របខណ្ឌលីគកំពូលកម្ពុជា CPL។ យ៉ាងណា ក្រោយពីខ្សែការពារកណ្តាល Anderson Zogbe ចាកចេញពីក្លឹបបាល់ទាត់បឹងកេត មានពាក្យចរចាមអារ៉ាមពីប្រភពជិតស្និតមួយថា កីទ្បាករ ទេស សម្បត្តិ ទំនងជាអាចនឹងត្រលប់ទៅកាន់ទ្រនំចាស់វិញ នាអំទ្បុងពេលទីផ្សារដោះដូរកីទ្បាករដែលកំពុងតែបើកដំណើរការ។ គួរឱ្យដឹងថា កីឡាករ ទេស សម្បត្តិ ធ្លាប់ទទួលបានជោគជ័យលើអាជីព អំឡុងពេលលេងឱ្យក្រុមបឹងកេត ដោយខ្សែការពារឆ្នើមរូបនេះ បានរួមចំណែកជួយក្រុមគ្រងជើងឯកលីគកំពូលកម្ពុជានៅឆ្នាំ២០២០។ សូមជម្រាបថា មុនពេលចូលរួមជាមួយក្លឹបបាល់ទាត់វិសាខា កីទ្បាករ ទេស សម្បត្តិ ក៏ធ្លាប់ជាអតីតថ្នាលយុវជនសាលាបាល់ទាត់ជាតិបាទី (២០១៤ ដល់ ២០១៩) និងបានផ្ទេរមកកាន់ក្រុមបឹងកេតនៅឆ្នាំ២០១៩ ក្នុងនាមជាកីទ្បាករឈុតធំផងដែរ..៕អានពត៌មានប្រចាំថ្ងៃ
