គ្រូបង្គោលក្រុម Young Elephants FC លោក សត្យា សាគរា បានចាត់ទុកការចាញ់របស់ខ្លួនថា គ្មានសំណាងទល់តែសោះក្នុងជំនួបតទល់ជាមួយក្រុមភ្នំពេញក្រោន ខណៈគ្រូបង្គោលក្រុមភ្នំពេញក្រោន លោក អូឡេក ស្តារីនស្គី ថាក្រុមជើងខ្លាំងមកពីប្រទេសទ្បាវ ទម្រង់លេងចាំតែវាយបក ហេតុដូចម្តេចនឹងមានសំណាង…?
ថ្លៃងក្រោយបញ្ចប់ការប្រកួតដ៏តានតឹង កាលពីយប់ថ្ងៃពុធទី១៦សីហា លោក សត្យា សាគរា បានលើកទ្បើងថា៖«សម្រាប់ការប្រកួតនេះ ពួកយើងមិនមានសំណាងទល់តែសោះ យើងលេងទល់នឹងក្រុមខ្លាំង (ភ្នំពេញក្រោន) ដែលមានកីទ្បាករបរទេសល្អៗជួយក្រុមច្រើន។ ដូច្នេះហើយ ពួកគេសក្ដិសមនឹងទទួលជ័យជម្នះនៃការប្រកួតនេះ។ ខ្ញុំ[..]មានមោទកភាពសម្រាប់កូនក្រុមរបស់ខ្ញុំ ដោយសារពួកគេអាចរក្សាមិនឱ្យរបូតគ្រាប់បាល់នៅតង់ទី១។ ពួកយើងបានបង្កើតឱកាសច្រើនដែរ តែមិនបានសម្រេចទាល់តែសោះ។ ហើយបញ្ហាភ្លៀង ក៏ធ្វើឱ្យក្រុមទាំងសងខាងប៉ះពាល់ផងដែរ»។ លោកបន្តថា ជុំវិញការប្រើប្រាស់កីទ្បាករទ្បាវសុទ្ធនៅតង់ទី១ គឺដោយសារកីទ្បាករបរទេសទាំងពីរ ទើបតែចូលជាមួយក្រុមបាន៣សប្តាហ៍ប៉ុណ្ណោះ ហើយកីទ្បាករខ្លះ មានរបួសអំទ្បុងពេលហ្វឹកហាត់ ខ្លះទៀតក៏មិនទាន់ហ្វឹកហាត់ពេញ១០០ភាគរយដែរ។ ជាក់ស្តែង កិឡាករ Jed ទើបតែផ្លាស់ចូលនៅតង់ទី២នោះ គឺមិនទាន់បានហ្វឹកហាត់ពេញ១០០ភាគរយទេ។ ការប្រកួតនេះ យើងធ្វើបានល្អមែនទែននៅតង់ទី១ ប៉ុន្តែគ្រាប់បាល់ Penalty ក៏ដូចជាគ្រាប់បាល់ Free Kick បានធ្វើឱ្យការប្រកួតប្រែប្រួលទាំងស្រុងតែម្ដង បន្ទាប់មកធ្វើឱ្យក្រុមរបស់យើងកាន់តែមានសម្ពាធខ្លាំង ក្នុងការប្រកួតនេះ។ ជាលទ្ធផលធ្វើឱ្យពួកយើងខុសផែនការដែលបានគ្រោងទុក។
គ្រប់គ្រងបាល់ ការបង្កើតឱកាសផ្សេងៗទៀត។ ចំណែកខាង Young Elephants FC ជាក្រុមដែលលេងការពារគ្រាប់បាល់ និងចាំតែវាយបក់វិញ Counter Attack ប៉ុណ្ណោះ។ ប្រសិនបើយើងរបូតគ្រាប់បាល់១ ឬ ២ គឺមានផលអវិជ្ជមានសម្រាប់ពួកយើងតែម្ដង។ ភ្លៀង ក៏ជាផ្នែកមួយដែលធ្វើឱ្យប៉ះពាល់ដល់ទម្រង់លេងក្រុមទាំងសងខាង ជាពិសេស ការប្រកួតតង់ទី១ តែយ៉ាងណា ខ្ញុំ[..]សូមអរគុណដល់អ្នកតំណាង AFC ក៏ដូចជាអ្នកពាក់ព័ន្ធផ្សេងៗទៀត ដែលបានពន្យារពេលប្រកួតរហូតដល់៣០នាទី ដើម្បីឱ្យការប្រកួតមានភាពរីករាយដល់អ្នកទស្សនា»។ព័ត៌មានកីឡាបាល់ទាត់ថ្មីៗ
សូមរំលឹកថា នៅក្នុងជំនួបដ៏ជក់ចិត្ត ក្រោមក្រសែភ្នែកអ្នកចូលរួមទស្សនាផ្ទាស់ប្រមាណជាង១៣៥០នាក់ នៅឯកីទ្បដ្ឋាន Smart RSN ក្រុមម្ចាស់ផ្ទះភ្នំពេញក្រោន បានវាយសម្រុកយ៉ាងខ្លាំងទៅលើគូរប្រជែងចាប់តាំងពីសំឡេងកញ្ចែរលោកអាជ្ញាកណ្ដាលបន្លឺឡើង រហូតដល់ចប់ការប្រកួត។ ដោយកីឡាករ Shintaro Shimizu រកបាន១គ្រាប់ ពីការស៊ុតបាល់ពិន័យ១១ម៉ែត្រ ខណៈ២គ្រាប់ទៀតរកបានដោយកីទ្បាករ Yudai Ogawa ពីការស៊ុតបាល់ Free-Kick នៅនាទី៧៨ និងគ្រាប់បាល់ទី៣ រកបានដោយកីទ្បាករ Rafael Andrés Nieto នៅនាទី ៩០+៣ ។ យ៉ាងណា ក្រុម Young Elephants FC បានបង្កើតឱកាសច្រើនដងផងដែរ ជាពិសេស បាល់ Counter Attack ម្ដងៗ ធ្វើឱ្យក្រុមម្ចាស់ផ្ទះភ័យបុកពោះខ្លាំង ប៉ុន្តែក្រុមជើងខ្លាំងមកពីលីគកំពូលទ្បាវនេះ គ្មានឱកាសបញ្ចប់សំណាញ់ទីក្រុមភ្នំពេញក្រោនបានទេ។ លទ្ធផល ៣-០ នេះ ក្រុមភ្នំពេញក្រោន បានទ្បើងទៅជួបជាមួយក្រុម Tampines Rovers របស់សិង្ហបុរី នៅវគ្គ Play-Off Stage នាថ្ងៃទី២៣ ខែសីហា ខាងមុខ ដើម្បីប្រជែងកៅអីវគ្គចែកពូល Group Stage ក្នុងពានរង្វាន់លំដាប់ទី២ របស់ទ្វីបអាស៊ី AFC Cup ឆ្នាំ ២០២៣-២៤..៕
