កីឡាការិនីជឺជីតស៊ូជម្រើសជាតិកម្ពុជា ខាន់ ចេសា ទទួលបានប្រាក់រង្វាន់៤០លានរៀល (១ម៉ឺនដុល្លារអាមេរិក) សម្រាប់ការឈ្នះមេដាយមាសពិភពលោក។
ពិធីប្រគល់ប្រាក់រង្វាន់ដល់កីឡាការិនី ខាន់ ចេសា នេះត្រូវបានធ្វើឡើងវេលាម៉ោង២រសៀល ថ្ងៃទី២ ខែឧសភា ឆ្នាំ២០២៣នេះ នៅក្រសួងអប់រំ យុវជន និងកីឡា។
ខាន់ ចេសា បានឈ្នះមេដាយមាសពិភពលោកកាលពីខែវិច្ឆិកា ឆ្នាំ២០២២ ក្នុងការប្រកួតក្នុងការប្រកួតកីឡាជឺជីតស៊ូជើងឯកពិភពលោកនៅប្រទេសអារ៉ាប់រួម បន្ទាប់ពីបានយកឈ្នះកីឡាការិនីអេស្ប៉ាញ Matthews Martin Naiomi Anaians ដោយពិន្ទុ ក្នុងវគ្គផ្តាច់ព្រ័ត្រ។
ជាមួយគ្នានេះ លោក Peter Khan ជាឪពុករបស់ ខាន់ ចេសា ដែលជាគ្រូបង្វឹកក៏ទទួលបានប្រាក់រង្វាន់ ៤០លានរៀល និងគ្រូជំនួយទទួលបាន២៨លានរៀល។
នៅថ្ងៃទី៤ ខែឧសភា ខាងមុខនេះ ខាន់ ចេសា នឹងប្រកួតក្នុងទម្ងន់៥២គីឡូក្រាមក្នុងកីឡាស៊ីហ្គេម លើកទី៣២ ឆ្នាំ២០២៣៕ព័ត៌មានកីឡាបាល់ទាត់ថ្មីៗ
