កីទ្បាករ Alex Telles បានដើរចេញពីកីទ្បដ្ឋាន Old Trafford របស់ក្លឹបបិសាចក្រហម Manchester United ដើម្បីដើរតាមគន្លងខ្សែប្រយុទ្ធ Cristiano Ronaldo ក្នុងការផ្លាស់មកកាន់ក្លឹប Al-Nassr របស់ប្រទេសអារ៉ាប៊ីសាអូឌីត ដោយទទួលបានតម្លៃពលកម្មរហូតដល់ទៅ៧លានអឺរ៉ូ ក្នុងមួយឆ្នាំ។
កាលពីរដូវកាលមុន ខ្សែការពារស្លាបឆ្វេងប្រេស៊ីលវ័យ៣០ឆ្នាំរូបនេះ បានចំណាយពេលលេងឱ្យក្រុម Sevilla ស្ទើរពេញមួយរដូវកាលក្នុងនាមជាកីទ្បាករខ្ចីជើងពីក្រុម Manchester United ដែលបានបង្ហាញខ្លួនចំនួន២៧ប្រកួត នៅក្របខណ្ឌ La Liga និងរួមចំណែកជួយឱ្យក្រុមឈ្នះជើងឯក Europa League ទៀតផង។ ក្រោយពីកិច្ចសន្យាខ្ចីជើងផុតកំណត់ Alex Telles ត្រូវបានគេរំពឹងថានឹងវិលត្រលប់មកកាន់ Old Trafford នារដូវកាលថ្មី ខាងមុខ។ ប៉ុន្តែអ្វីៗ វាមិនដូចការរំពឹងទុកទ្បើយ ក្រុម Manchester United ស្ថិតនៅក្រោមការដឹកនាំរបស់លោក Erik Ten Hag បានសម្រេចចិត្តលក់ឡៃទ្បុងកីទ្បាករខាងលើនេះ នាអំទ្បុងពេលទីផ្សារដោះដូរកីទ្បាកររដូវក្ដៅចោលតែម្ដង។ព័ត៌មានកីឡាបាល់ទាត់ថ្មីៗ
របាយការណ៍របស់ Fabrizio Romano បានបញ្ជាក់ថា ក្លឹបបិសាចក្រហម Manchester United នឹងទទួលបាន៤លានផោន រួមទាំងប្រាក់បន្ថែមផ្សេងៗទៀត ពីការចុះហត្ថលេខារបស់ Alex Telles ទៅឱ្យក្លឹប Al-Nassr ខណៈដែល Telles ទទួលបានតម្លៃពលកម្មរហូតដល់ទៅ៧លានផោន បូករួមទាំងប្រាក់លើកទឹកចិត្តផ្សេងទៀតដែរ។ ដូច្នេះ នៅរដូវកាលថ្មីនេះ Alex Telles នឹងលេងជាមួយកីឡាករ Cristiano Ronaldo, Marcelo Brozović, Anderson Talisca និង David Ospina ដើម្បីប្រកួតប្រជែងដណ្តើមពានរង្វាន់ Saudi Pro League នាពេលខាងមុខ៕ព័ត៌មានកីឡាបាល់ទាត់ថ្មីៗ
